Lueginsland - erschienen am 28. 2. 2004 in der Badischen Zeitung

Arbetslos

S Rosi het im Kanzler e Briäf gschriibe. Agfange het alles, wu si verwirrti Mueter ins Pflegeheim het miäße - s isch nimmi Meischter wore mit ere, s hätt miäße umziäge un dr Beruef ufgää. Aber bi däm Heim hän miäße 4.500 Mark uf dr Disch bletteret wäre im Monet. Un wuhär solle diä kumme, wänn d Mütter 650 Mark Ränte un ke Gäldschisser het? No isch halt ei Äckerli noch em andere verkaüft wore. Un drno s Hüüs. Des het e schene Batze gää un s Rosi het üs sinem Erb-Adeil vum Vatter seelig sogar noch e brivati Ränteversicherig kenne abschliäße - uf ei Schlag e Simmli uf zwelf Johr kenne iizahle. Un s isch no e schen Gäld ibrig gsii, wus in Aktiä usw. aglegt het. E baar Johr druf isch s Labor zue gmacht wore, wus drin gschafft het. In däm Großlabor, wus hii verschobe wore isch, gohts zue wiä in ere Fabrik, wu Roboter am Fliäßband schaffe. Noch e baar Wuche hets s Handduech gworfe un kindet. S het 33 Johr in einem furt gschafft gha, aber jetz hets gsait, eso nit! Des isch e Fähler gsii, dänkt s Rosi hit, dänn uf eimol gohts ums Iberläbe: Zwar isch s Heim billiger wore siter ass dr Pflegeversicherig kumme isch un d Mütter isch schliäßlig aü gstorbe. Aber si Alageberater sitzt jetz im Gfängnis un d Aktiä sin furt. Un s Arbetsamt zahlt siter eme dreiviärtel Johr ke Arbetslosehilf meh. "Sie haben doch eine Rentenversicherung mit beträchtlichem Rückzahlungswert, kündigen Sie doch die! Wir sind nicht da, um vermögende Leute zu unterstützen!" Fir s Rosi isch e Wält zämme broche; dr Brozäss gege s AA hets verlore. No hets halt, wels nit stähle will, d Versicherig miäße kinde, het si miäße verstiire un zehrt jetz Monet fir Monet säll Gäld uf, wu ihnes emol hätt sotte sorglos durs Alter bringe. S het nämlig sunscht niäme. Im junge Alter hets uf d modern Propaganda ghorcht, ass e rächti Fraü e rächte Beruef üsiäbe un nit drheim zwische Härd un Kinder versüüre sott. Viil vu däm allem isch im Briäf an dr Schröder gstande. D Antwort, wu sälli üs em Kanzleramt gschriibe hän, isch zimmligs Bla-bla gsii. S isch fir s Rosi afange nimmi licht, e positive Gedanke z fasse. Oder doch: Wennigschtens het dr Gerster kenni Sorge im Alter! Un wennigschtens hän sälli im Kanzleramt no Arbet, wu Bittbriäf abwimmle, aü wänn sunscht alles dr Bach na goht!

Harald Noth