Lueginsland - erschienen am 15. 10. 2005 in der Badischen Zeitung

Des Lueginsland, wu do folgt, isch gschriibe wore,

* vor em 26. 10. 05, wu dr iranisch Bräsident Ahmadinedschad gforderet het, dr israelisch Staat vu dr Landkart z radiäre,
* vor eb dr Präsidänt Chirac iber dr Iisatz vu Atomwaffe gege Staate wiä dr Iran fabuliärt het,
* vor eb d dänisch Zittig Jyllands Posten d Moslem mit fräche Abbildunge vum Mohammed brovoziärt het, 
* vor eb islamischtischi Scharfmacher diä Brovokation dankbar ufgriffe hän zum d islamische Masse ufwiigle.

Sebelrassle

 Wu Friiburg sich anne 2000 um d Stedtpartnerschaft mit Isfahan beworbe het, han i mi gschämmt. Nit wel Friiburg e Zwärg isch gege Isfahan – d Millionestadt Isfahan isch vu 1598 bis 1722 d Haüptstadt vu Persiä gsii, het e brachtvolli haüptstedtischi Architektür un het aü noch ke Vernichtung durch Luftagriff hinter sich. Nai, Friiburg het scho aü ebis z biäte. Dr Minschterdurm wird as dr schenscht vu dr ganze Grischteheit agsähne. Bloß: Hinter dr alliwiil no schene Kulisse vu Friiburg isch anne 2000 unter großem effentligem Rassle "Corpus Christi" ufgfiährt wore, e Theaterstick, wu d Heilig Schrift verfälscht wird un dr Jesus un d Jinger as Schwuli un Süffbriäder dargstellt wäre. E Brovokation fir diä meischte religieese Mänsche in Stadt un Land. Wänn des eber merkt z Isfahan oder im Iran, gits e Kataschtrof, han i gfercht, dänn sälli häns no wenniger gärn, wänn eber Gott un d Brofete dur dr Dräck ziägt (im Islam wird dr Jesus as e Brofet agsähne). I han dertemol dänkt: Friiburg, wu eso ebis duldet, verdiänt diä Partnerschaft nit. Hit, wu grad kei derartigi Kampagne laüft, dänk i: Mer mueß s Bescht drüs mache. Jede het si Päckli z drage - mir unser AKW Fesseheim, Isfahan si Atomalag. D Entscheidung iber d Atomwaffe-Broduktion lit allewäg nit bi Isfahan. Atomkraft-Bumbe hets in sällere Wältgegend viil: Z Pakischtan, z Indiä, z Israel un im Irak jetz im Brinzip aü - durch si Besatzungsmacht. Bis jetz het aber erscht ei Nation d Atombumb iigsetzt: D USA z Hiroschima un z Nagasaki. Un anne 2002 isch rüskumme, ass s Pentagon e "mini nuke", e "smart bomb" entwicklet, zum dr Atomgriäg "fiährbar“ mache - gege d "Achse des Bösen", wu dr Iran drzue ghert. Anstatt uf Abschräckung setzt mer jetz uf Agriff. Dämnägscht fahrt e Friiburger Delegation uf Isfahan - e umstrittini Reis. Aber villicht ka si e Dropfe Entspannung uf dr heiß Stei vum Sebelrassle bringe.

Harald Noth