www.noth.net/lueginsland/blog.htm

20. Jänner 2021
Ändlig im Himmel

    Um mich rum isch alles häll, mini Gliider sin so licht, s isch warm un ich sih dr Jesus näbe sinem Vatter sitze. Zwische däne zwee sitzt e jungi Fraü - he doch, des isch d Maria. Dr Jesus un dr Vatter hebe e Gron iber ihrem Haüpt. Üs dr Ferni her i e Orgle spiile un Ängel singe. Jetz streckt dr Jesus d ander Hand noch mer üs, sait "Erna, kumm!" un ich gang zuen ene. D Maria druckt mi un ich derf näben em Jesus sitze.
    Ich sih, wiän i ase jung zwische Gschwischtrig un Kamrade e Fägnäscht gsii bi. Ich sih alles glar un scharf, wiä wänns geschtert gsii wär. Drno bin i e jungi Fraü un bring esälber fimpf Kinder uf d Wält. Diä kumme alli zum Achzger zue mer - mit dr Männer un dr Änkel isch des e ganze Stall voll. Alli Ritt kunnt eso e Maidili oder Biäbli zue mer. Oma, des un des - alli hän ebis zum verzelle. Diä Gleine wänn uf d Gehre. Drno wirds still un näblig um mi rum. Ich weiß bal nimmi, wun i drheim bi, was i grad han welle un wär des isch, wu do ab un zue ins Zimmer kunnt. Aber alli sin liäb. Ich bätt zu dr Mueter Gottes, ass si mi schitzt un ich ball zuen ere kumm. S goht mer aber guet, do, wun i jetz bi. Alli Dag kumme alli zämme in dr Saal un ässe, drno drinke mer Kaffee, alli Dag mit Kueche. S Ella kunnt ab un zue un nimmt mi an dr Hand, goht mit mer Spaziäre dr Gang nuf un na, ich mit em Kärrili un ääs het si Hand uf miini glegt. Jetz def i nimmi üs minem Zimmer nüs un s Ella kunnt nimmi. He doch, hit kunnts un duet mi fiätere. Wurum het des dänn e Larve uf un längt mi nimmi a? "Mamma, wiä alt bisch jetz?" frogts. "Viäresächzig", sag i. "He nai, zweieniinzig", saits.
    Dr Hueschte wird alliwiil liädriger, ich ka afange nimmi üs em Bett. Jetz kumme Mänsche zue mer rii, diä sin azoge wiä Raümfahrer. Diä wänn mi fiätere, aber mir gschmeckts nit ellei. Kunnt dänn niäme meh zue mer, wun i känn? Drno wirds mer drimmlig, diä Raümfahrer biige mi rum un num, si schwätze, ich verstands nit, ich will ebis froge, s Müül goht nit. Drno wirds dunkel, arg finschter un wun i verwach, ischs häll wiä am Morge. Ich ka wider laüfe, bi licht wiä e Fägnäscht. Dr Jesus bringt mi zu dr Maria, ich will ere d Hand schmutze, aber sie nimmt mi in dr Arm. Drno setzt si mi näbe dr Jesus un bhaltet mi Hand in ihrere, si lit bim Jesus uf dr Gehre.

Worterklärungen: Jänner - Januar; zwische däne zwee - zwischen diesen beiden (Männern); hebe - halten; zuen ene - zu ihnen; ase jung - in jungem Alter; Fägnäscht - Person, besonders Kind, das unermüdlich über all herum eilt; geschtert - gestern; drno - dann; Achzger - achzigster Geburtstag; alli Ritt - immer wieder; Maidili - kleines Mädchen; Biäbli - kleines Büblein; des un des - dies un das; ebis - etwas; wänn - wollen; wänn uf d Gehre - wollen auf den Schoß; näblig - mit Nebel erfüllt; was i grad han welle - was ich gerade wollte; zuen ere - zu ihr; alli Dag - jeden Tag; zämme - zusammen; s Ella - die Ella; Kärrili - kleiner Wagen, hier: Rollator; ääs - es - hier gemeint: sie; fiätere - füttern, Essen reichen; des - dieses - hier gemeint: diese, sie; Larve - Maske; längt mi nimmi a - fasst mich nicht mehr an; alliwiil liädriger - immer schlechter; ich ka afange nimmi - ich kann allmählich nicht mehr; niäme - niemand; drimmlig - schwindelig; biige mi rum un num - laden mich hierhin und dahin; schwätze - sprechen; s Müül goht nit - der Mund funktioniert nicht; wun i verwach - als ich erwache; laüfe - gehen; schmutze - küssen; lit - liegt