Hesch gwisst, ass es in Venezuela e alemannischi Kolonii het? He doch, anne 1843 sin 358 Lit vum Kaiserstuehl üsgwanderet un hän im Ürwald d Colonia Tovar grindet. Si sin bsunders vu Ändinge, Forche, Wyhl un (Ober)Bärge kumme, aber aü üs em Hessische sin drbii gsii. In däm Video sähne mer, wiä si am Afang in däre främde Wält ganz neiji Sache känne glehrt hän. Mir here do e wunderbars Biispiil vum Kaiserstiähler alemannische Dialäkt, wiä ne bi uns friähjer alli gschwätzt hän un wu aü hit no vu viilene gschwätzt wird, wu ihri Heimet gärn hän und ihri Dradition wänn witter läbe lo. Diä Fraü, wu do schwätzt, isch s Haidy Collin un wänns schwätzt, mein i grad, i her mi Großili. Leider goht s Alemannisch bi dr Junge z Tovar verlore, meh no wiä bi uns. So wiä bi uns viil meine, si miän umbedingt hochditsch schwätze, wird derte s Spanisch as e hecheri Sproch agsähne.

Nommeh Video üs dr Kolonii lueg do.